كم هي المدة التي استطيع فيها الاحتفاظ بهذا الطعم

[صياد vجديد]

شكرا اخي سام على الرد
بغيت نسولك واش نتلجو ولا نعملو غير فالبراد وشكرا لك مرة تانية

[tarikwafae]

انا جربتو مرة واحدة وماعجبنيش صراحة، ماعودتش قربت ليه، ربما ديك المرت تصادفت مع المارية عيانة، ملي قال سي سام راه مزيان نعاود نجربو ان شاء الله.

[صياد vجديد]

هو مزيان انا شفت بزاف درياس فطنجة كيصيدو بيه وكيشدو الحوت لمزيان ولا كن انا بغيت نصافر بيه لمدة 6 ساعات وخفت يموت ليا هههههه

[sam]

Les couteaux de mer بالعكس من أجود الأطعمة لا كان جديد أؤكد على أنو يكون جديد.
العفو السي طارق منكم نستفيد، هو مزيان خاصو الصبر و لكن لا قاس تيقيس سمك متوسط..
غير أنو طرقة تركابو تتاخد الوقت، انا تندير ليه الابرة مقولبة و لاستيك عاد تنقلبو فالصنارة ديال القاع سبيب طويل شي 80cm
و اول ما تتدير فيه الابرة تتحسو تيقصاه دليل على انو جديد.
الرايس حشومة عليك نتا تبارك الله من طنجة و تاتسولنا حنا تما تبارك الله الصيد وافر و الماتيريال بالاخص جيد جدا.
و انا عدعد من المرات كنت فطنجة خذيت الماتيريال من تما، و حتا اللونغ موجود بزاف عنكم فالجوطية مني تتهبط لسوق الكرمة و تانجيب معايا اللونغ تالرباط
اخي يصبر ليك غير حاول يبقا بارد و في الظل الطعمة عامة تبقى في الظل ما عدا دودة cordiella
الى درتيه فالفريكو frigo تيتفش و ما تايبقاش شاد مزيان تولي هشيش فالأفضل تخليه غير بارد (اي طعمة بغيتيها تبقا ليك)
معرفت الماريا كيدايرة اليوم ههههه
الرايس طارق عافاك سؤال منين ندوزو لطريق بوشوك ؟؟
شكرا الرياس و بالتوفيق للجميع

[tarikwafae]

شكرا اخي سام على هذه المعلومات المفيدة، بالنسبة لبوشوك يا اخي غادي توصل لحي شماعو، راه هو الحي المعروف تما، وسول على عمارات ديال السهب، ملي توصل تما سولهم راه قدامهم.

[sam]

شكرا الرايس طارق، نعم اعرف حي شماعو واخا الدنيا تبدلات تما، مشكور اخي بارك الله فيك
انشالله نجربو فيه تما شي يوم

[ababssi]

شكرا اخواني على هذه المعلومات المفيدة