ماهي الطريقة لربط اكتر من سنارة واحدة

[صياد vجديد]

السلام عليكم ورحمة الله وبركاته
بما ان سمك البوري متواجد بكثرة في طنجة وباحجام لاباس بها
كنت ادور عن طريقة سهلة لصيده ووجدت طريقة وكان رابط في الخيط اكتر من 5 سنارات
انا ماعرفت كيف اربط اكتر من وحدة مع العلم استعمل سنانير دون حلقة
الي يعرف كيف يربطها مايبخل عني وشكرا لكم

[tarikwafae]

السلام اخي، الى بغيتي تصيد البوري بحال شي رايس محترف عليك بما نسميه التربيطة، هي صعيبة شوية ولكن اذا عرفتي تربط صنارة وحدة راك غادي تعرفليها، واليك الرابط الذي يوضح كيفية عمل التربيطة، مع اني شخصيا استعمل صنار 14.
http://www.hassan-peche.com/vb/showt...E1%C8%E6%D1%ED

[tarikwafae]

بالنسبة للثقل، انا ماكنخدمش ثقل 100 كما جاء في الرابط بل افضل فرشية كبيرة؛ لان البوري ياكل من سطح الماء ولسنا بحاجة لاغراق الطعم.

[صياد vجديد]

شكرا خويا وبغيت نسولك وش ندخل صنانر فكميرة ولا نخليهم كيما تصورة
وواش كتعمل 14 سنارة وكم مقاسهم وشكرا لك

[tarikwafae]

العفو اخي، بالنسبة لعدد السنارات من الاحسن 7، اما 14 فهو حجم السنارة لي كنستعمل، وخليهم خارجين كما في الصور، لان داك الخبز كايتجمع عليه البوري الصغير ومن بعد تيطلع لكبير كيتلاح عليه؛ خاصك تصبر عليه شوية؛ راه ممكن تشد 2 حتى 3 فدقة. غير قل بسم الله ملي تلوح. حظ سعيد

[marou12]

المشاركة الأصلية كتبت بواسطة tarikwafae

العفو اخي، بالنسبة لعدد السنارات من الاحسن 7، اما 14 فهو حجم السنارة لي كنستعمل، وخليهم خارجين كما في الصور، لان داك الخبز كايتجمع عليه البوري الصغير ومن بعد تيطلع لكبير كيتلاح عليه؛ خاصك تصبر عليه شوية؛ راه ممكن تشد 2 حتى 3 فدقة. غير قل بسم الله ملي تلوح. حظ سعيد

smeh liya a khoya wach 3mrek jerebtiha ???

[صياد vجديد]

شكرا لك اخي الغالي على التوضيح
وساجربها في القريب العاجل

[tarikwafae]

اكيد خويا marou وهادي هي الطريقة المعروفة عند الرياس ديال البوري. ها واحد لمقيلة بهاذ الطريقة في اقل من 2 سوايع. جربها ورد عليا لخبار

[sam]

طريقة جميلة جدا يا أخي و مفيدة الصراحة،
أنا أول مرة تنشوف هاد الطريقة و فعلا فكرة ذكية جدا يا أخي بارك الله فيك على الإفادة
أنا شخصيا من محبي اللونصي و الصراحة لا أحب البوري و صيده و لو أني رأيت الرياس طلعو الشرغو كبير بالخبز فقط عن طريق التوش Touche
لكن الفكرة غجباتني بزاف خصوصا أنك تقدر تفوندي بها باللدونة ، و لو أن صنارة بالخرصة أو الحلقة ستكون الترقيعة أسهل و أسرع
شكرا جزيلا يا أخي على هاد الإفادة الطيبة، تنتظر منك الجديد انشالله
بالتوفيـــــــــــــــــــــــــــــــــــــــــق للجميع

[tarikwafae]

العفو اخي سام، حتى انا كنفضل اللونصي، ولكن الرايس خاصو يديباني راسو، حيت كاين نهار لي بلونصي مايقيس عليك والو، اما حسن تجيب معاك البوري ولا تجي خاوي، ومافهمتش لاش البوري عندو هاد السمعة السيئة مع انه نوع من السمك لي معروف عالميا. المهم كرايس خاصك تجرب مختلف التقنيات، لونصي بيلوطة تربيطه....
وهاشي لي تايعطي حلاوة لهاد الهواية الرائعة.

[sam]

شكرا الأخ tarik، نعم يا أخي عندك الحق الرايس خاصو يمشي على حساب المارية و فين ما جاب الله التيسير يتوكل
نعم يا أخي تنجرب بيلوطة بعض الأحيان و Touche كذلك، و حتى الصيد بالرابالة و "اللولنجيون" خاصة هاد الوقت المارية مزيانة...
و لكن أحب اللونصي أكثر..
البوري فقط لأنه ربما يعيش أغلب الأحيان على الأوساخ و الفضلات المتراكمة و غيره و ذاك فقط رأي شخصي أما ليس له سمعة سيئة و لكن لا أفضله كسمك...
و لكن الفكرة عجباتني بزاف و غادي نجربها بطريقة اللونصي انشالله
و بالنسبة للبوري بعض الصيادين القدماء يقولون أن هناك نوع خاص من البوري يعيش في البحر تيقولو ليه البوري الذهبي و هو أحسن من البوري العادي لي تيكون فالواد أو الدلتا او جنبات البحر..
و لله الحمد على كل حال هاد الأسبوع تحرك الحوت و ما تنرجعوش خاويين
العفو الرايس ماذا تقصد بالتربيطة ؟ المرجو التوضيح و ننتظر منك الجديد بالإفادات
بالتوفيق للجميع

[tarikwafae]

العفو الرايس سام، بالنسبة للفضلات هذا على حسب المكان لي كانصيدو فيه، الى صيدتي فين تايكون القادوس ديال الفضلات لي تايكون عامر بلحوت على فكرة، راه الحوت لي تما كامل واكل الفضلات وخا تشد حتى الدرعي.
والبوري ديال الصح هو البوري الذهبي كما ذكرت، ولكن ملي تايكون الحوت المزيان موجود وتايقيس، طبعا مكاينش لي غادي يتسوق للبوري.

[tarikwafae]

التربيطة اخي سام هي الطريقة اللي شرحنا لصيد البوري، الرياس تايسميوها التربيطة.

[صياد vجديد]

اخي طارق هي سنارة مقاس 14 اكبر من مقاس 16 او العكس وشكرا لك اخي

[marou12]

المشاركة الأصلية كتبت بواسطة tarikwafae

اكيد خويا marou وهادي هي الطريقة المعروفة عند الرياس ديال البوري. ها واحد لمقيلة بهاذ الطريقة في اقل من 2 سوايع. جربها ورد عليا لخبار

lah i3tik seha khoya tarik hiya li ghadi njereb nsha2llah ! chokrane 3la had tari9a!