ما اسم هذه السمكة؟

[tarikwafae]

العفو الرايس سام، انا على الدلتا، غير هي خاصك تكون عارف الحوت لي داير فيها وتجي معول عليه تجيب طعمة ديالو ولوقيتة ديالو، مثلا شهر 3 و4 كان داير لكوال كبير، كاتجيب سريدنات وتقلب على فوندو قدامك و غرق ليه. وفرمضان انشاء الله كتدخل زريقة والشرغو متوسط، وتايكون حتى البوري نقي. ويلا بغيتي حوت كبير فوق كيلو عليك بالمصايد ديال لبحر، سلا فيها مصايد مزيانين، انا تانمشي لبوشوك نواحي حي شماعو، غير خاصك قصبة مزيانة وخاص لوناسة حيت شوية ريسكي. ها واحد الفوطو من بوشوك

[sam]

اتبارك الله على الرايس
نعم يا أخي الدلتا كثيرا ما نسمع بها غير تنمشيو ليها مني تيكون الماريا قاصحة كما قلت و الريح الشديد، و السمك صغير ماشي د الصيادة و لكن غادي نجربو انشالله و نديرو بنصيحتك

نعم سلا سمعت بها كثيرا بالأخص الهزازات الشليحات و سيدي موسى تاهوا، و لكن كما قلت ريسكي خاص الوناسة و تكون عارف البلاصة مزيان
و للعلم الهزازات و الشليحات معرفتش منين تندوزو ليها، إلى بغيتي تفيدنا الرايس بارك الله فيك،
و أنا شخصيا لست من محبي الكوال أو البوري بصراحة بل محب للونصي بشكل خاص
دابا غير قول لينا فين نمشيو و فين كاين الحوت فنواحي الرباط سلا هههههه
اصدعناك الرايس،
مشكوووور على الإفادات أخي

[tarikwafae]

بالنسبة لي ماشي ولد سلا لمصايد لمزيانين كاتكون النزلة عندهم صعيبة خاصك تكون عارف منين دوز واخا ديك المغامرة كاتعطي حلاوة للصيادة، بغيتي مصايد ساهلين و امان عليك بسيدي موسى قدام سناكات دفريتور،كاين طروفا مزيانين غير فوت لويكاند تايكونو عامرين بالرياس، وحتا الا جاك جوع تما فريتور مزيان ب30 درهم، راه طوبيس 13 من لمدينة تايدوز قدامهم.

[sam]

نعم شكرا الرايس طارق،
الطزبيس معندك كتدير تطلع بالماتيريال فيديك
نعم سيدي موسى جربنا ديك البلاصا قبل و حتى تفوت سيدي موسى تفوت المدرسة ديال السيرك زوينة الدنيا تما و لكن مخلوية و كيف قلتي تكون عارف منين تنزل، ايوا الله يسخر الرايس شكرا تحياتي

[tarikwafae]

الرياس ديال الرباط وسلا، وجدو الماتاريال ، زريقة داخلة مزيان هاد الايام، عليكم بالدودة والبوخو وتوكلو على الله.