ما اسم هذه السمكة؟

[nfaissal]

Salam,

Khoya lemsayed limezyanin f salé 3tahom lah kayen chelira hezzazat l7ajra lme9tou3a l7ajra daf3a ghir homa kayebghiw Lile o te3ma mezyana

[sam]

shokran a rayes faissal 3la radd, hadou msayed d Sale'. ama nawa7i d rabat ou dikchi li goult makayench walou...
bnisba l sale' kama dakartou sabikan ya akhi mataykhliwch lberrani ysiyad m3ahoum.
3la had lehsab ghda nshalah nmshiw sale' nshoufo wach kayen chi rzak 3la rbi. khas 3ad nsouwlo 3la leblasa fine jat.
lhezzazat tbarklah smaaaa3na 3liha bzaf. lahouma yassir.
Merci bcp Rayess

[tarikwafae]

khoya sam, bnissba lmsayed dyal rabat, li ma3rouf howa lmoun li en face lawdaya, sayednafih khir lah, wjmi3 anwa3 lasmak, khassek ghir tched w9ita dyal lmarya , wjmi3 anwa3 ta3ma khdama douda, bokho, pilota, lbagit ila nawi tsayed lbouri.

[tarikwafae]

whadi whed lm9ila men had lmasyedملف مرفق 1826

[sam]

اتبارك الله على الرايس طارق، هادي راها friture ماشي مقيلة ههههههههههههه
اللهم بارك الرايس بصحتك، سمية د المصيد ؟؟ واش هو للي هضرتي عليه ديال المون ؟؟
والله يا أخي من زمااااان الصراحة ما هبطنا المون، شوية البحر دالرباط عيان الصراحة، يالله ماريفيي Marifie' زعما هو من أقرب المصايد اللي مزيانة و نقية الصراحة و تيكون فيها الحوت ساعة ساعة...
اللهم يسر شكرا على الإفادة الرايس

[tarikwafae]

baraka laho fik rayess sam, hadchi ghir flmoun, li galtlik, khassek ghir tched dkhoul lma, wbach mzyan had lmoun fih lhout matnawe3, ghir simana lfaya drabnafih sol kbir, wkan mojoud fih lgwal chhar li daz, rah le3na meno gwal dyal 3 kg

[sam]

شكرا الرايس طارق على االإفادة
نعم الدلتا ديال بورقراق معروفة و لكن الحوت الصغير فقط الصراحة، تقصر و ترد للماء صغير بزاف
اسمحلي نسولك نتا إنا مون تتهضر عليه ؟؟ واش المون ديال البحر الصغير؟ أو المون ديال البحر الكبير؟ أو للي قلتي الوداية للي هي الدلتا "التقاء البحر مع الواد؟؟
حيت ديال الوداية هي العلاوة فين كنا نتلاحو هههه تتدخل ليها من جهة المطعم الفوقاني (معقلت سميتو)
و كاين من جهة تحت الوداية في كاين المقهى (السفينة) و الباركين (حدا فين دايرين موازين دابا)؟؟؟
الصراحة تنمشيو تما غير لا كان الماريا قاصحة و الريح بزاف....
هاد الأسبوع يلله ضربنا شوية د النخار فالبرج، و الحنبل و الشرغو ف ماريفيي، باقي ما وصلنا مقيلة نصوروها يلله سانويتش هههههه
المرجو التوضيح الرايس و المعذرة على الإطالة، شكرا