ما اسم هذه السمكة؟

[tarikwafae]

khoya sam, bnissba lmsayed dyal rabat, li ma3rouf howa lmoun li en face lawdaya, sayednafih khir lah, wjmi3 anwa3 lasmak, khassek ghir tched w9ita dyal lmarya , wjmi3 anwa3 ta3ma khdama douda, bokho, pilota, lbagit ila nawi tsayed lbouri.

[tarikwafae]

whadi whed lm9ila men had lmasyedملف مرفق 1826

[sam]

اتبارك الله على الرايس طارق، هادي راها friture ماشي مقيلة ههههههههههههه
اللهم بارك الرايس بصحتك، سمية د المصيد ؟؟ واش هو للي هضرتي عليه ديال المون ؟؟
والله يا أخي من زمااااان الصراحة ما هبطنا المون، شوية البحر دالرباط عيان الصراحة، يالله ماريفيي Marifie' زعما هو من أقرب المصايد اللي مزيانة و نقية الصراحة و تيكون فيها الحوت ساعة ساعة...
اللهم يسر شكرا على الإفادة الرايس

[tarikwafae]

baraka laho fik rayess sam, hadchi ghir flmoun, li galtlik, khassek ghir tched dkhoul lma, wbach mzyan had lmoun fih lhout matnawe3, ghir simana lfaya drabnafih sol kbir, wkan mojoud fih lgwal chhar li daz, rah le3na meno gwal dyal 3 kg

[sam]

شكرا الرايس طارق على االإفادة
نعم الدلتا ديال بورقراق معروفة و لكن الحوت الصغير فقط الصراحة، تقصر و ترد للماء صغير بزاف
اسمحلي نسولك نتا إنا مون تتهضر عليه ؟؟ واش المون ديال البحر الصغير؟ أو المون ديال البحر الكبير؟ أو للي قلتي الوداية للي هي الدلتا "التقاء البحر مع الواد؟؟
حيت ديال الوداية هي العلاوة فين كنا نتلاحو هههه تتدخل ليها من جهة المطعم الفوقاني (معقلت سميتو)
و كاين من جهة تحت الوداية في كاين المقهى (السفينة) و الباركين (حدا فين دايرين موازين دابا)؟؟؟
الصراحة تنمشيو تما غير لا كان الماريا قاصحة و الريح بزاف....
هاد الأسبوع يلله ضربنا شوية د النخار فالبرج، و الحنبل و الشرغو ف ماريفيي، باقي ما وصلنا مقيلة نصوروها يلله سانويتش هههههه
المرجو التوضيح الرايس و المعذرة على الإطالة، شكرا

[tarikwafae]

العفو الرايس سام، انا على الدلتا، غير هي خاصك تكون عارف الحوت لي داير فيها وتجي معول عليه تجيب طعمة ديالو ولوقيتة ديالو، مثلا شهر 3 و4 كان داير لكوال كبير، كاتجيب سريدنات وتقلب على فوندو قدامك و غرق ليه. وفرمضان انشاء الله كتدخل زريقة والشرغو متوسط، وتايكون حتى البوري نقي. ويلا بغيتي حوت كبير فوق كيلو عليك بالمصايد ديال لبحر، سلا فيها مصايد مزيانين، انا تانمشي لبوشوك نواحي حي شماعو، غير خاصك قصبة مزيانة وخاص لوناسة حيت شوية ريسكي. ها واحد الفوطو من بوشوك

[sam]

اتبارك الله على الرايس
نعم يا أخي الدلتا كثيرا ما نسمع بها غير تنمشيو ليها مني تيكون الماريا قاصحة كما قلت و الريح الشديد، و السمك صغير ماشي د الصيادة و لكن غادي نجربو انشالله و نديرو بنصيحتك

نعم سلا سمعت بها كثيرا بالأخص الهزازات الشليحات و سيدي موسى تاهوا، و لكن كما قلت ريسكي خاص الوناسة و تكون عارف البلاصة مزيان
و للعلم الهزازات و الشليحات معرفتش منين تندوزو ليها، إلى بغيتي تفيدنا الرايس بارك الله فيك،
و أنا شخصيا لست من محبي الكوال أو البوري بصراحة بل محب للونصي بشكل خاص
دابا غير قول لينا فين نمشيو و فين كاين الحوت فنواحي الرباط سلا هههههه
اصدعناك الرايس،
مشكوووور على الإفادات أخي